பதிவுலகில் நான் எப்படிப்பட்டவன்..??!!

சகோ. அமைதிசாரல் அழைத்ததால் இந்தத் தொடர்பதிவு

1) வலைப்பதிவில் தோன்றும் உங்கள் பெயர்?

"நாஞ்சில்" பிரதாப்

2) அந்தப் பெயர் தான் உங்கள் உண்மையான பெயரா? இல்லை எனில் பதிவில் தோன்றும் பெயரை வைக்க காரணம் என்ன?

எதிர்காலத்துல பல வீர தீர பிரதாபங்களை செய்வான்னு அப்பா அம்மா ஆசையோட வச்சப்பேரு பிரதாப் குமார். ஆனா ஒரு பதிவரா வருவான்னு அவங்களுக்கு முன்னாடியே தெரிஞ்சிருந்தா மொக்கை குமார்-னு கூட வச்சிருந்திருக்கலாம். நல்லவேளை தெரியாம போச்சு...

பேருக்கு முன்னாடி "நாஞ்சில்" சேர்த்துக்க காரணம் ஊர்மேல இருக்கற ப்ரியம், அப்புறம் நாஞ்சில் குமரன் மாதிரி ஐ.பி.எஸ் ஆபிசராகத்தான் ஆகமுடில. ஆனா நாஞ்சில் நாடன் மாதிரி ஒர பிரபல எழுத்தாளரா வரலாம்னு ஒரு அற்ப ஆசை (ஏய்...ஏய்...ஏய்... யாருப்பா அது
நோ பேட் வேர்ட்ஸ்.... கல்லை கீழப்போடுங்கப்பா )


3 )நீங்கள் தமிழ் வலைப்பதிவு உலகில் காலடி எடுத்துவைத்ததைப் பற்றி.

எல்லாம் கெட்டநேரம்தான் காரணம், எனக்கில்ல பதிவுலகத்துக்கு. பதிவர் மா.சிவக்குமார் பதிவுகளை முதலில் படித்தேன். ஏதாச்சும் இலவசமா கிடைச்சா வாக்குரிமையையும் அடகுவைக்கிற தமிழர்களின் கூட்டத்தில் நானும் ஒருவனானதால் இலவசமா கிடைக்கிறதே என வலைப்பதிவை தொடங்கினேன். காசு கட்டனும்னு ரூல் இருந்துச்சுன்னா இந்தப்பக்கமே வந்திருக்க மாட்டேன். கூகுளாண்டவரின் இலவசத்துக்கு நன்றி.


4) உங்கள் வலைப்பதிவை பிரபலமடையச் செய்ய என்ன என்னென்னவெல்லாம் செய்தீர்கள்?


குட் கொஸ்டீன். ஆனா இதை எங்கிட்ட ஏன் கேட்டீங்கன்னு புரியல. இருந்தாலும் சொல்றேன்.
வால் போஸ்டர் அடிச்சு ஒட்டாததை தவிர எல்லாம் பண்ணேன். சிறிதுகாலம் SEO துறையில் வேலைபார்த்த அனுபவம் இருந்ததால் அதை எனது வலைப்பதிவுக்காக சரியாக பயன்படுத்தினேன். எக்ஸ்ட்ராவா ஏதோ நாலுபேரு உள்ளே ஏதாச்சும் இருக்கும்னு வந்து ஏமாந்துட்டுப்போனங்க.


5) வலைப்பதிவின் மூலம் உங்கள் சொந்த விஷயத்தை பகிர்ந்து கொண்டதுண்டா? ஆம் என்றால் ஏன்?அதன் விளைவு என்ன? இல்லை என்றால் ஏன்?


சில்லி கொஸ்டின்...இருந்தாலும் வெட்கத்தவுட்டு ஜொல்றேன். நான் பல்பு வாங்குன கதைலேருந்து, சினிமாவுல நடிச்ச கதை வரைக்கும் நிறைய சொந்த விசயங்களை சொல்லிருக்கேன். விளைவுன்னு பார்த்தா, இப்போ என்னோட பெரிய வீக்னசே பிலிப்பைன்ஸ்தான். யாரை கும்மியடிச்சாலும் அதைச்சொல்லியே நம்ம வாயை பொத்திடறாயங்க. அப்புறம் சில அனானிங்க வந்து அசிங்க அசிங்கமா திட்டிட்டு போனாய்ங்க...(அரசியல்ல இதுல்லாம் சாதாரணம்ப்பா...)நல்லவேளை கமண்ட் மாடரேஷன் போட்டதனால என்னோடப்போச்சு... என்னா அடி... பின்ன நான் மால்குடி டேஸா எழுதினேன்... அவார்டு வாங்கறதுக்கு...


6) நீங்கள் பொழுதுபோக்குக்காக பதிவுகளை எழுதுகிறீர்களா அல்லது பதிவுகளின் மூலம் சம்பாதிப்பதற்காகவா?

என்னது சம்பாதித்தியமா?? கையிலேருந்து போனதுதான் மிச்சம். முழுநேரப்பதிவராகனும்னு மடிக்கணிணி வாங்குனது, அதுக்கு நெட் கனெக்ஷ்ன் கொடுத்தது, தடுப்பூசி போட்டது(ஆன்ட்டி வைரஸ்), அடிக்கடி வைத்தியம் பார்த்தது இதுக்கெல்லாம் ஆப்பக்கடை அம்சாவா வந்து காசுகொடுத்தா...ம்க்கும்..எல்லாம் என் கைகாசுதான்....


7) நீங்கள் மொத்தம் எத்தனை வலைப்பதிவுகளுக்கு சொந்தக்காரர்? அதில் எத்தனை தமிழ் வலைப்பதிவுகள் உள்ளன?

இதுவேறையா.....ஒண்ணுக்கே தாவு தீந்துப்போகுது...கொஞ்சநாளு உள்ள வரலைன்னா ஒட்டடை அடிச்சுகுக்கிது. இதுல நாலு அஞ்சுன்னு வச்சு... நெக்ஸ்ட் கொஸ்டீன் ப்ளீஸ்...


8) மற்ற பதிவர்கள் மீது எப்போதாவது உங்களுக்கு கோபம் அல்லது பொறாமை ஏற்பட்டது உண்டா? ஆம் என்றால் யார் அந்த பதிவர்? ஏன்?

ஒரு பதிவர் மேல எனக்கு பயங்கர பொறாமை... அது வேற யாரும் இல்லை நான்தான். ஸ்கூல்ல படிக்கும்போது பரிட்சைக்குப் படிச்சிட்டுப்போனதையே ஒழுங்கா எழுதறதிலை. இதுல எப்படி நான் தோனுறதை எல்லாம் பிளாக்குல எழுதறேன்னு என்னாலயே என்னை நம்ப முடில... கோபம்னு பார்த்தா ஒருத்தர் மேல பயங்கர கடுப்புல இருக்கேன்... அவர் வலைப்பதிவின் முதல் எழுத்து ஓ கடைசில எழுத்து ன். என்னது யாரா?? நோ க்ராஸ் கொஸ்டின்...


9) உங்கள் பதிவை பற்றி முதன் முதலில் உங்களை தொடர்புகொண்டு பாராட்டிய மனிதர் யார்? அவரைப் பற்றி, அந்த பாராட்டைப் பற்றி..


சத்தியமாக நினைவில்லை ( பாராட்டிருந்தானே நினைவிருக்கிறதுக்கு...யாரு திட்டினதுன்னு கேட்டிருந்தா கரீட்டா சொல்லியிருப்பேன்...)


10) கடைசியாக----விருப்பம் இருந்தால் உங்களைப் பற்றி பதிவுலகத்துக்கு தெரிய வேண்டிய அனைத்தையும் பற்றி கூறுங்கள்...

ரொம்ப....முக்கியம்......
===================

எங்கள் ஊரின் கைப்புள்ளயும், எனது வில்லுகுறி ரசிகர் மன்ற கிளையின் செயலாளருமான அன்பு நண்பர் ஸ்டீபன்(நாடோடி) கையில் இந்த தீப்பந்தம் கொடுக்க்ப்படுகிறது... என்று மகிழ்ச்சியுடன் தெரிவித்துக்கொள்கிறேன்....(மாட்டிகிட்டிரா...மாட்டிகிட்டிரா...)